ಗೋಶಾಲೆಗೆ ಸ್ಥಳೀಯ ನೆರವು ಮತ್ತು ದಾನ ಸೇವೆ

ಶ್ರೀ ಗವಿ ಸಿದ್ದೇಶ್ವರ ಗುಹಾ ದೇವಾಲಯ, ಆಗಳಿ ತಮ್ಮ ಧಾರ್ಮಿಕ ಕಾರ್ಯಗಳ ಜೊತೆಗೆ ಗೋಶಾಲೆಗಳ ಮತ್ತು ಪ್ರಾಣಿಪ್ರೀತಿ ಸೇವೆಯಲ್ಲಿಯೂ ನಿಸ್ವಾರ್ಥವಾಗಿ ತೊಡಗಿಸಿಕೊಂಡಿದೆ. ದೇವಾಲಯವು ನೇರವಾಗಿ ಗೋಶಾಲೆಯನ್ನು ನಿರ್ವಹಿಸುವುದಿಲ್ಲದಿದ್ದರೂ, ಸ್ಥಳೀಯ ಗೋಶಾಲೆಗಳಿಗೆ ದಾನ, ಆಹಾರ, ವೈದ್ಯಕೀಯ ನೆರವು ಮತ್ತು ಅಗತ್ಯ ವಸ್ತುಗಳನ್ನು ನೀಡುವುದರಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಗೋಶಾಲೆಗೆ ನೀಡುವ ಸಹಾಯವು ಸ್ಥಳೀಯ ರೈತರು ಮತ್ತು ಕೃಷಿಕರಿಗೆ ಸಹ ಪ್ರೇರಣೆ ನೀಡುತ್ತದೆ, ಹೀಗಾಗಿ ದೇವಾಲಯವು ಸಾಮಾಜಿಕ ಹೊಣೆಗಾರಿಕೆಯನ್ನು ತಮ್ಮ ಧಾರ್ಮಿಕ ಕಾರ್ಯಗಳೊಂದಿಗೆ ಜೋಡಿಸಿದೆ. ಇದರೊಂದಿಗೆ ಮುಂದಿನ ದಿನಗಳಲ್ಲಿ ನೇರವಾಗಿ ಗೋಶಾಲೆ ಒಂದನ್ನು
ಸ್ಥಾಪಿಸುವುವ ಉದ್ದೇಶವನ್ನು ಹೊಂದಿರುತ್ತದೆ.

ಸ್ಥಳೀಯ ಗೋಶಾಲೆಗಳಿಗೆ ನೆರವು ನೀಡುವ ಮುಖ್ಯ ಉದ್ದೇಶ ಪ್ರಾಣಿಗಳ ಆರೋಗ್ಯ, ಸುರಕ್ಷತೆ ಮತ್ತು ಸಂತೃಪ್ತಿಯನ್ನು ಕಾಯುವ ಮೂಲಕ ಸಮಾಜದಲ್ಲಿ ಸಕಾರಾತ್ಮಕ ಪರಿಸರ ನಿರ್ಮಾಣ ಮಾಡುವುದು. ದೇವಾಲಯದ ಭಕ್ತರು ಗೋಶಾಲೆಯ ಗವೆಯಲ್ಲಿ ಹಸಿವು ನಿವಾರಣೆಗೆ ಆಹಾರ ವಿತರಣೆ, ವೈದ್ಯಕೀಯ ಚಿಕಿತ್ಸೆ ಮತ್ತು ಪ್ರಾಣಿಗಳ ಸ್ವಚ್ಛತೆಯ ಕೆಲಸಗಳಲ್ಲಿ ಸಹಾಯ
ಮದಬಹುದು. ಈ ಮೂಲಕ ದೇವಾಲಯವು ಪ್ರಾಣಿಗಳ ಮೇಲಿನ ಕರ್ತವ್ಯ ಮತ್ತು ಮಾನವೀಯತೆಯ ಮಹತ್ವವನ್ನು ಸಾಮಾಜಿಕವಾಗಿ ಪ್ರತಿಪಾದಿಸುತ್ತದೆ.

ಗೋಶಾಲೆಗೆ ನೀಡುವ ನೆರವು ವಿವಿಧ ರೀತಿಗಳಲ್ಲಿದೆ:

ಭಕ್ತರ ನೆರವಿನಿಂದ ಹಸಿರು ಹುಲ್ಲು, ಗೋಮಯ ಮುಂತಾದ ಆಹಾರ ವಸ್ತುಗಳ ದಾನ, ಅಗತ್ಯವಿರುವ ವೈದ್ಯಕೀಯ ಸೇವೆ ಮತ್ತು ತುರ್ತು ಚಿಕಿತ್ಸಾ ನೆರವು, ಗೋಶಾಲೆಯ ನಿರ್ವಹಣೆಗೆ ಅಗತ್ಯವಾದ ಉಪಕರಣಗಳು ಮತ್ತು ಸಾಮಗ್ರಿಗಳ ಸಹಾಯ, ಹಾಗೂ ಗೋಶಾಲೆಯಲ್ಲಿ ನಡೆದಿರುವ ಶ್ರದ್ಧಾ ಕಾರ್ಯಕ್ರಮಗಳಿಗೆ ನಿರಂತರ ಸಹಾಯ ನೀಡಲಾಗುತ್ತದೆ.

ಈಗಿನ ದಿನಗಳಲ್ಲಿ ಸಾಕುಪ್ರಾಣಿಗಳು, ವಿಶೇಷವಾಗಿ ದನಕರುಗಳು ಗ್ರಾಮೀಣ ಪ್ರದೇಶಗಳಲ್ಲಿ ಗಣನೀಯವಾಗಿ ಕಡಿಮೆಯಾಗಿವೆ. ಉಳಿದಿರುವ ದನಕರುಗಳಿಗೆ ಉತ್ತಮ ಆಹಾರ ಮತ್ತು ಆರೋಗ್ಯದ ವ್ಯವಸ್ಥೆಗಳು ಕೂಡ ಕಡಿಮೆಯಾಗಿದೆ. ಈ ನಿಟ್ಟಿನಲ್ಲಿ ನಮ್ಮ ನಾಗರಿಕತೆ ಮತ್ತು ಸಂಸ್ಕೃತಿಯ ಪ್ರಮುಖ ಗುರುತಾಗಿರುವ ಗೋವುಗಳನ್ನು ಸಂರಕ್ಷಿಸುವ ಹಾಗೂ ಗೌರವಿಸುವ ಕಾರ್ಯವನ್ನು ದೇವಾಲಯದ ವತಿಯಿಂದ ಕೈಗೊಳ್ಳಲಾಗುತ್ತಿದೆ. ದೇವಾಲಯದ ದಾನಿಗಳು, ಸ್ವಯಂಸೇವಕರು ಮತ್ತು ಸ್ಥಳೀಯರು ಜೊತೆಯಾಗಿ ನಡೆಸುವ ಕಾರ್ಯಗಳು ಈ ಸೇವೆಯನ್ನು ಶಾಶ್ವತವಾಗಿ ಮಾಡುತ್ತವೆ.